'आफ्नै माटोमा स्वर्ण जित्दाको मज्जा बेग्लै हुँदोरहेछ : 'निमा घर्तीमगर'

  • प्रकाशित मितिः मंसिर 20, 2076
  • 616 पटक पढिएको
  • औजार संवाददाता

काठमाडौं : १३ औं दक्षिण एसियाली खेलकुद (साग) मा आज बिहान भएको उसु खेलमा नेपालकी निमा घर्तीमगरले स्वर्ण जितिन् । लगनखेलस्थित आर्मीको कभर्डहलमा उसुको थाउलोअन्तर्गत महिला नान्दोमा निमाले स्वर्ण जितेकी हुन् । उनले कुल १८.९१ अंक जोडेर स्वर्ण जितेकी हुन् । १६.३ अंक बटुलेकी बंगलादेशकी मोर्जिना अख्त्तरले रजत पदक पाइन् ।

यसअघि सन् २०१६ मा भारतमा भएको १२औं सागमा पनि निमाले स्वर्ण नै जितेकी थिइन् । स्वर्ण जितेपछि बिदेशी माटोमा भन्दा आफ्नै माटोमा स्वर्ण जित्दा बेग्लै आनन्द मिलेको नीमाले सुनाइन् । ‘सारा नेपालीको अगाडि आफ्नै माटोमा टेकेर स्वर्ण जित्दाको आनन्द छुट्टै हुँदोरहेछ ।

त्यो खुशी शब्दमा बयान गर्न सक्दिनँ,’ उनले भनिन् । उनले आफ्नो सफलताको श्रेय अभिभावक र प्रशिक्षकहरुलाई दिइन् । ‘सफलताको श्रेय मेरो अभिभावकलाई दिन चाहन्छु । किनकी उहाँहरूले मलाई कहिल्यै रोक्नु भएन,’ उनले अघि भनिन्, ‘मेरो प्रशिक्षकहरूलाई यसको श्रेय जान्छ ।’

नीमाले नेपालका लागि अझै धेरै पदक जित्ने इच्छा रहेको सुनाइन् । नीमा घर्ती मगरले (साग) मा बिहीबार स्वर्णकाड लागि प्रतिस्पर्धा गर्दा उनका आमा-बुवा दर्शकदीर्घामा थिए । पदक वितरण समारोह भयो, निमाले स्वर्ण पदक लिइन् । राष्ट्रिय झण्डा ओढेकी निमा आमा-बुबा भएको ठाउँमा पुगिन् ।

र, आफ्नो गलाबाट स्वर्ण पदक झिकेर आमालाई लगाइदिइन् । त्यो क्षण नीमा घर्ती मगर निकै भावुक बनिन् । पत्नीकै छेउमै उभिरहेका बुवा मनसुर घर्ती मगर भने हाँसिरहे । नीमाका आमा-बुवा दुवैले छोरीले पाएको सफलतामा आफूहरु निकै खुसी रहेको प्रतिक्रिया दिए ।

-एजेन्सी


विपिमा तत्काल कोभिड अस्पताल सञ्चालन गराउन नेवि संघ र तरुण दल संघर्षमा

धरान । नेपाल तरुण दल र नेपाल विद्यार्थी संघले वीपी कोईराला स्वास्थ्य विज्ञान प्रतिष्ठानका उपकुलपति कोभि

पानवारीको दुध र सब्जी धरान ल्याउन पाउने, हरियालीमा २३ बेडको आइसोलेसन सञ्चालन हुने

धरान । धरान उपमहानगरपालिकाको कार्यपालिका बैठकले भदौ ३ गते सम्मकालागी लकडाउनको समायावधी थप गरेको छ । आज ब

धरानमा आज बिहान थपिए ७ जना संक्रमित

धरान । धरानमा आज पनि ७ जना संक्रमित थपिएका छन् । आज थपिएका संक्रमित धरान –१५ का ३ जना, १६ का २ जना र १० र ८ मा